A Xunta Xeral de Confrarías e Irmandades acordou por unanimidade a concesión da súa Medalla de Ouro a Don Mario Villaamil (a título póstumo), Don Félix Sande Rodríguez e Dona Meca Arcos Gómez, polo seu traballo e dedicación á Semana Santa de Ferrol. A entidade recoñece o labor das persoas que estiveron á fronte da Coordinadora de Confrarías desde a súa creación, en 1993, ata a súa transformación en xunta xeral. O organismo cumpre tres décadas de vida no próximo ano 2023.
A antiga Coordinadora de Confrarías naceu oficialmente o 6 de xuño de 1991, aínda que a constitución oficial da súa primeira Xunta de Goberno tivo lugar o 15 de xaneiro de 1993, con Mario Villaamil como presidente. Sucedeulle en 1995 Félix Sande Rodríguez, que estivo á fronte do organismo ata 1998 e tomou a substitución Meca Arcos, que o presidiu ata 2014.
A Medalla de Ouro entregarase durante a celebración do pregón da Semana Santa de Ferrol 2023, que terá lugar no teatro Jofre o día 25 de marzo, tal como anunciouse recentemente co xornalista Ramón Loureiro como pregoeiro.
A Xunta de Confrarías pechou tamén recentemente outras datas destacadas para a celebración da próxima Semana Santa. Así, o 14 de xaneiro terá lugar a presentación do cartel; o 24 de marzo será a tradicional Vía Crucis e o 18 de marzo presentarase a revista Ecce Homo e o procesionario.
(As imaxes corresponden á entrega da Medalla de Ouro o ano pasado ao Tercio Norte)
