Junta General de Cofradías y Hermandades
SEMANA SANTA DE FERROL
Lugar de saída | Santuario das Angustias
Paso | Xesús Amigo dos Nenos (1959)
Pouco antes da saída, ás 11.15 h, celébrase a bendición dos ramos á porta da igrexa. Nesta procesión polo barrio de Esteiro, os confrades portan as súas palmas e ramos e van sen capuz.
Percorrido: desde a praza das Angustias, avenida de Esteiro, Carlos III, Ánimas, Españoleto, avenida de Esteiro, Ramón e Cajal e retirada na igrexa da nosa Señora do Pilar.
Lugar de saída | Praza de Amboage
Pasos | San Xoán Evanxelista (Fernando Murciano Abad, 2022) e A Borriquita (Massagué, 1990)
Pouco antes da saída, ás 12,15 h, bendición dos ramos na praza de Amboage. É esta unha procesión particularmente popular, con moita presenza de nenos e nenas que acoden coas súas palmas.
Percorrido: Méndez Núñez, Real, Sánchez Barcáiztegui, Magdalena, Terra, Real, Méndez Núñez e retirada.
Lugar de saída | Capela da Orden Terceira de San Francisco
Pasos | San Pedro Apóstolo (Jesús Cepeda, 2021) e Ecce Homo (Florencio Gambino, 1790)
Este desfile mantén viva en Ferrol a tradición franciscana de lembrar, na tarde do Domingo de Ramos, a lectura da Paixón de Cristo que se fai ese día nas igrexas.
Percorrido: Glorieta de Alfredo Martín, Real, San Diego, Madalena Coruña, Real e Capela da Venerable Orde Terceira.
Lugar de saída | Igrexa de Dolores
Pasos | Cristo Rei e Virxe da Amargura (Fernando Murciano Abad, 2009)
A imaxe de Cristo Rei pertence ao colexio do mesmo nome e o terzo que a acompaña foi fundado por persoas vinculadas dita comunidade educativa, polo que é importante a participación de nenos e nenas neste desfile.
Percorrido: Méndez Núñez, Real, Arce, Madalena, Terra, Real, Méndez Núñez e retirada.
Lugar de saída | Capela da Orde Terceira
Pasos | Cristo da Boa Morte (David dos Santos Feal, 2002) e Virxe do Perdón e Misericordia (Juan José Negrí Acevedo, 2015).
A procesión camiñaba tradicionalmente por Ferrol Vello, en recordo da imaxe do Cristo da Luz. Este ano cambia o percorrido e vai polo barrio da Madalena.
Percorrido: Capela da Venerable Orde Terceira, Glorieta de Alfredo Martín, Real, San Diego, Magdalena, Coruña, Real e Capela
Lugar de saída | Igrexa dos Dolores
Pasos | Xesús atado á Columna (1967), Cristo Penitencial e a Virxe da Esperanza (José María Hurtado, 2014).
Nesta procesión goza de especial popularidade o trono da Virxe da Esperanza, que foi o primeiro portado por mulleres. Na súa retirada, é tradicional que a banda da irmandade interprete “Unha nai non se cansa de esperar”.
Percorrido: Méndez Núñez, Real, Sánchez Barcáiztegui, Madalena, Terra, Real, Méndez Núñez e retirada.
Lugar de saída | Capela da Mercé
Pasos | Nosa Señora dos Cativos (José Hurtado, 2012) e Cristo Redentor (José Rivas, 1927).
A procesión da tamén coñecida como Virxe Branca” marca cada ano a estrea desta confraría na Semana Santa Ferrolá. En 2022 cumpriuse unha década da primeira saída desta imaxe, para a que a banda Acotaga interpreta sempre a marcha “Líbrame” escrita para ela.
Percorrido: Capela da Mercé, María, Arce, Real, Sánchez Barcáiztegui, Madalena, Terra, Real, Méndez Núñez, María e Capela da Mercé.
Lugar de saída | Parroquia de Nosa Señora do Socorro
Paso | Cristo dos Navegantes (Enrique Carballido, 1949).
Esta foi tradicionalmente unha procesión da parroquia, ao marxe das confrarías penitenciais da cidade, porén a Confraría da Soidade encárgase desde o ano 2022 de organizala. O desfile desenvólvese sen capuchóns e con moitos veciños e fieis seguindo a imaxe do Cristo dos Navegantes. No ano 2023 varía o itinerario habitual polas obras, pero segue a entrar no Arsenal Militar.
Percorrido: Parroquia do Socorro, Mercé, Comellas, San Antonio, San Francisco, Rastro, porta do Parque do Arsenal, saída pola Porta da Cortiña, Avenida da Mariña e retirada na igrexa do Socorro
Lugar de saída | Santuario das Angustias
Pasos | Cristo del Perdón (Guerra Felipe, 1864) e María Santísima dos Desamparados (s. XIX).
Este desfile incorporouse ao procesionario no ano 1986, cando catro confrades da irmandade de Esteiro tiveron a iniciativa de sacar en andas ao Cristo do Perdón.
Percorrido: praza das Angustias, paseo de Pablo Iglesias, Carme, Real, Sánchez Barcáiztegui, Madalena, Carme, paseo de Pablo Iglesias e retirada no Santuario da Nosa Señora das Angustias.
Lugar de saída | Igrexa de Dolores
Pasos | Cristo Xacente (Pablo Lanchares, 2016) e Cruz Sudario.
Antes da saída da procesión, ás 21.45 h, os confrades participan nun acto penitencial. Neste desfile o máis característico é a participación de penitentes portando cruces e cadeas.
Percorrido: Méndez Núñez, Real, Sánchez Barcáiztegui, Magdalena, Terra, Real, Méndez Núñez e retirada.
Lugar de saída | Santuario da Mercé.
Pasos | Noso Pai Xesús na súa Humildade (Ana Rey, 2024).
A Confraría da Mercé incorpora esta saída ao seu procesionario no presente ano 2024.
Percorrido: Capela da Mercé, Méndez Núñez, Real, Sánchez Barcáiztegui, Madalena, Concepción Arenal, Real, Méndez Núñez, María e capela.
Lugar de saída | Santuario das Angustias.
Pasos | Xesús Nazareno (Florencio Severo Gambino, s. XVIII), Cristo da Agonía (Florencio Severo Gambino, 1789), Cristo Xacente (Guillermo Feal, 1957) e Nosa Señora das Angustias (Anónimo, s. XVIII).
É a procesión de máis longo percorrido das que se celebran na Semana Santa de Ferrol, xa que vai polo barrio de Esteiro e despois polo da Madalena. Nosa Señora das Angustias, que foi coroada canonicamente no ano 2022, vai co seu Fillo no colo.
Percorrido: Santuario, Avenida de Esteiro, Fernando VI, Españoleto, Soto, San Amaro, Lugo, Real, Sánchez Barcáiztegui, Madalena, Carme, paseo de Pablo Iglesias e retirada solemne no Santuario.
Lugar de saída | Igrexa de Dolores.
Pasos | Oración na Horta (Murciano Abad, 2008), Cativo (Fernando Murciano Abad, 2008), Nazareno (Francisco Guerra Felipe, 1863), Cristo da Misericordia (Manuel Romero Benítez, 2000), Cristo Penitencial e Virxe da Piedade (Anónimo, s. XVIII).
Esta é a procesión con máis tronos e terzos das que se celebran na Semana Santa de Ferrol. O numeroso público que se achega ás rúas para vela pasar e para asistir á retirada, habitualmente preto das tres da madrugada, é proba da devoción que suscita este cortexo e as imaxes.
Percorrido: Méndez Núñez, María, Arce, Madalena, Rubalcava, praza de Armas, Terra, Real, Méndez Núñez e retirada.
Lugar de saída | Igrexa de Dolores
Pasos | Xesús Nazareno (Francisco Xoán Evanxelista (Fernando Murciano Abad, 2022), Santa Muller Verónica (Anónimo, s. XVIII) e Virxe dos Dolores (Anónimo, s. XVIII).
Os pasos saen do corralón da Confraría de Dolores, na praza de Amgoage, e chegan á praza de Armas por dous itinerarios diferentes. Alí atópanse Xesús Nazareno, San Xoán, a Santa Verónica e a Virxe de Dolores, nun dos actos máis multitudinarios da Semana Santa Ferrolá.
Percorrido: ás 11.30 h. saída do paso do Nazareno por Méndez Núñez, Real, Sánchez Barcáiztegui, Magdalena, Rubalcava y Plaza de Armas. Ás 11.45 h. saída dos pasos de San Xoán, Verónica e Virxe de Dolores por Méndez Núñez, Real, Terra e Praza de Armas. Ás 12.30 h. Santo Encontro na praza de Armas. Retirada, ao finalizar, por rúa Terra, Real e Méndez Núñez.
Lugar de saída | Capela da Mercé
Pasos | Cristo Redentor (Xosé Rivas, 1927)
Nesta procesión, a cruz deixa de ser un símbolo de tortura para representar a salvación. É especialmente emotivo o momento no que tras saír tumbado da capela, para pasar polo marco das súas portas, os confrades levantan a cruz co Cristo Redentor sobre o seu trono para comezar a procesión.
Percorrido: capela da Mercé, María, Arce, Real, Sánchez Barcáiztegui, Madalena, Coruña, Real, Méndez Núñez, María e capela.
Lugar de Saída | Igrexa de Dolores
Pasos: San Xoán Evanxelista (Fernando Murciano Abad, 2022) e Virxe de Dolores (Anónimo, s. XVIII).
Percorrido: Méndez Núñez, Real, Sánchez Barcáiztegui, Igrexa e Concatedral de San Xiao.
Lugar de saída | Concatedral de San Xiao
Pasos | San Xoán Evanxelista (Fernando Murciano Abad, 2022), Santa Urna do Santo Enterro (Urbano Anido, 1891) co Santísimo Cristo do Santo Enterro (Manuel Corgo) e Santísima Virxe dos Dolores (Anónimo, s. XVIII).
A Irmandade do Santo Enterro encárgase desde o ano 1951 de representar con toda solemnidade o sepelio de Cristo. É un cortello que so se ten suspendido en circunstancias moi excepcionais, como foi a pandemia, porque en caso de choiva se celebra no interior de San Xiao.
Desde 2022, a Irmandade celebra a cerimonia do Descendemento, que non tiña lugar en Ferrol desde o ano 1912. Con esta función, ás 18.00 h no adro da concatedral, a confraría completa a representación do enterro de Xesús.
Percorrido: Concatedral, Igrexa, Sánchez Barcáiztegui, Madalena, Rubalcava, Real, Arce, Madalena, Sánchez Barcáiztegui, Igrexa y San Xiao.
Lugar de saída | Capela da Orden Terceira de San Francisco
Pasos | Santa María Madalena (Guillermo Feal, 1956) y Santísima Virxe da Soidade (Anónimo, s. XVIII).
A comunidade de terciarios franciscanos xa celebraban esta procesión antes do ano 1868. A Confraría da Soidade mantén a tradición de sacar esta imaxe, antes sobre tronos con rodas e desde o ano 2019 con portadores que a levan sobre os ombreiros. A imaxe da Virxe sae da capela ás 20.30h para a súa entronamiento e ás 21.00 comeza a procesión.
Percorrido: Capela da Orde Terceira de San Francisco, Glorieta de Alfredo Martín, Real, San Diego, Madalena, Concepción Arenal, Real e capela da Orde Terceira.
Lugar de salida | Concatedral de San Xiao
Pasos | Cruz sudario, San Xoán Evanxelista (Murciano Abad, 2022) e Santísima Virxe dos Dolores (Anónimo, s.XVIII).
Como o seu nombre indica, o máis característico desta procesión é o silencio, só roto polo son dos tambores e o arrastrar de cadeas. É tradición que ao remate do desfile se cante a Salve Regina á Virxe de Dolores. Antes de comezar, ás 23.15h, ten lugar un acto litúrxico na concatedral de San Julián.
Percorrido: concatedral de San Xiao, Sánchez Barcáiztegui, Madalena, Terra, Real, Méndez Núñez e praza de Amboage.
Lugar de saída | Santuario das Angustias
Pasos | Cruz Sudario e Virxe da Caridade e o Silencio (Anónimo, s. XVIII).
Desde as 09.00h, recollida de esmola no santuario para o Refuxio do Santo Hospital de Caridad a cambio dunha flor dos tronos que procesionaron en Semana Santa.. Na procesión, todos os confrades fan un xuramento de silencio e van vestidos de loito rigoroso, sen capa e con capuz negro. Ao final do percorrido, os capuchones entran no santuario e un representante da Fundación do Santo Hospital de Caridad chama á porta, nunha cerimonia xa tradicional na Semana Santa Ferrolá, para recoller a arqueta co diñeiro depositado polos fieis.
Percorrido: Santuario, paseo de Pablo Iglesias, Carme, Real, Sánchez Barcáiztegui, Madalena, Carme, paseo de Pablo Iglesias e retirada no Santuario.
Lugar de saída | Praza de Armas
Pasos | Santa María Madalena (Juan José Negrí Acevedo, 2016), Jesús Resucitado (Olot, 2004) y María Santísima de la Luz (Anónima, s. XIX).
Esta é unha procesión organizada conxuntamente polas tres confrarías irmandadas da Semana Santa de Ferrol. Previamente á saída conxunta, a Confraría da Mercé sae de Amboage co paso de María Magdalena (ás 11.30 h.) e diríxese a Armas polas rúas Arce, Real e Terra; a Confraría da Soledad sae da concatedral (ás 12.00 h) con Xesús Resucitado e diríxese a Armas polas rúas Coruña, Madalena e Terra; e a Confraría das Angustias faino desde o seu santuario coa Virxe da Luz (ás 12.00h) polo paseo de Pablo Iglesias, Carmen, Real e Rubalcava.
Todos estes desfiles conflúen na praza de Armas (por primeira vez neste ano 2024), onde ten lugar o “Gozoso Encontro”. É habitual que moitos dos confrades se quiten o capuz e emprendan xa o percorrido da procesión da Resurrección coa cara descuberta, como expresión de ledicia.
Percorrido: praza de Armas, Terra, Real, glorieta de Alfredo Martín e capela da Orde Terceira. A Confraría das Angustias realiza só parte deste percorrido, retirándose pola rúa Coruña.
© 2022 | Todos os deritos reservados | Deseño web srlence.com
