A Confraría de Dolores publicou xa o programa dos seus actos en honra do seu titular Nosa Señora dos Dolores, cuxa festividade se celebra o próximo 15 de setembro.
A irmandade programou o tradicional Triduo Solemne, que terá lugar do venres 13 ao domingo 15. Os cultos serán ás 19.00h. na concatedral de San Xiao e o domingo estarán acompañados polas voces do Coro Diapasón. Ao terminar terá lugar unha procesión, coa imaxe da nosa Señora dos Dolores, polas rúas da freguesía.
O itinerario da procesión será o seguinte: Saída da Concatedral de San Xiao, Iglesia, Sánchez Barcáiztegui, Real, Méndez Núñez, María, Arce, Real, Sánchez Barcáiztegui, Iglesia e entrada na Concatedral de San Xiao.
O acompañamento musical correrá a cargo da Banda Xove de Narón.
