Quinario en honor do Santísimo Cristo da Misericordia, do 13 ao 17 de marzo

A Confraría de Dores celebrará do 13 ao 17 de marzo o seu tradicional Quinario na honra do Santísimo Cristo da Misericordia. Os cultos serán todos os días ás 19.00 horas na concatedral de San Julián.

O último día, o 17 de marzo, a celebración estará acompañada polo Coro Diapasón e ao terminar o culto sairá a procesión polas rúas próximas. O Cristo da Misericordia, sobre andas, percorrerá as rúas Irmandiños, Coruña, Magdalena, Terra, Real, Sánchez Barcáiztegui, Magdalena, Coruña, Irmandiños e retirada na concatedral. A Banda de Cornetas e Tambores do Santísimo Cristo da Misericordia e María Santísima da Piedade acompañará a procesión.