A Xunta Xeral de Confrarías e Irmandades de Ferrol organiza a undécima edición do Certame de Bandas “Cidade de Ferrol”, que habitualmente reúne, no preludio da celebración da Semana Santa, ás bandas e agrupacións musicais que acompañan as procesións da cidade e co que se pon de manifesto a importancia da música no desenvolvemento dos desfiles penitenciais. O evento terá lugar nesta ocasión no Auditorio de Ferrol, este sábado día 11 de marzo a partir das 19.00 horas.
Nesta ocasión subirán ao escenario a Banda de Cornetas e Tambores do Santísimo Cristo da Misericordia e María Santísima das Dores (da Confraría de Dores), a Agrupación Musical Nosa Señora do Nordés (OJE), a Agrupación Musical do Cristo da Boa Morte, a Agrupación Musical Virxe da Amargura e a banda Acotaga. Cada unha delas interpretará tres pezas, entre as que estarán algunhas das composicións máis emblemáticas da Semana Santa de Ferrol.
As entradas son de balde e desde mañá, martes 7, estarán a disposición do público na taquilla do Jofre. O mesmo día, de quedar localidades dispoñibles, estarán na taquilla do propio Auditorio.
O repertorio será o seguinte:
Banda de CCTT Cristo da Misericordia e María Santísima de Dolores.
“Silencio Blanco” (José Julio Vera Cuder)
“Sangre y Agua” (Rafael Vázquez y José M. Reina)
“Santa María” (Jorge Águila e Isaac M. Gómez)
A.M. Nosa Señora do Nordés (OJE)
“Consuelo Gitano”
“Primera Lenta” (marcha de gaitas)
“La Barroca”
A.M. Cristo da Boa Morte
“Cinco Llagas” (composición de Antonio Velasco con arreglos de Alejandro Blanco Hernández)
“Mujer Verónica” (Antonio Miguel García Bernárdez)
“Llorando en tu Soledad” (Antonio Miguel García Bernárdez)
A.M. Virxe da Amargura.
“Señora de la Oliva”
“Pescador de Hombres”
“Al Rey de Israel”
Banda Acotaga
“O pregón / o paso” (anónima)
“Marcha procesional dos Campaneiros” (Vila García)
“Piedad Nazarena” (Miguel Ángel Font)
