Neste Martes Santo só haberá unha procesión en Ferrol, dado que as obras que se desenvolven na rúa San Francisco levaron á Confraría da Soidade para cambiar o seu desfile do Cristo da Boa Morte para a tarde do Xoves Santo. Así, a única saída de mañá será a Procesión de Jesús Atado á Columna e a Santísima Virxe da Esperanza que organiza a Confraría de Dolores. Comezará ás 21.00 horas e sen dúbida o seu momento álxido será a retirada, cando soará a marcha “Unha nai non se cansa de esperar”.
Con toda probabilidade este será o último ano que vexamos na rúa a imaxe de Jesús atado á Columna que sae nesta procesión, dado que a Confraría de Dolores ten en proxecto estrear unha nova o próximo ano. Ademais deste paso, saen nesta procesión o do Cristo Penitencial e o particularmente popular da Santísima Virxe da Esperanza. Este último é “o trono das nenas” e vai portado por mulleres.
Streamings: a través da canle de Youtube da Xunta de Confrarías realizaránse os seguintes directos o Martes Santo:
20.30h: Entrevista coa Confradía de Dolores: https://youtube.com/live/h9zJnslUMuc
21.00h: Saída da procesión https://youtube.com/live/bFX_gsbT9W
21.30h: Conexión na rúa Madalena https://youtube.com/live/AU3IlgFvlAY
23.00h: Recollida: https://youtube.com/live/peztF1tzV7E https://youtube.com/live/peztF1tzV7E
A Banda de Cornetas e Tambores do Santísimo Cristo da Misericorida e María Santísima dos Dolores cumpre neste 2023 trinta anos acompañando a esta imaxe, polo que a súa interpretación da canción litúrxica “Unha nai non se cansa de esperar” na retirada cobrará unha especial intensidade.
