A Xunta Xeral de Confrarías e Irmandades da Semana Santa de Ferrol lanza un ano máis unha campaña entre os establecementos de comercio e hostalería da cidade para captar doazóns que contribúan a celebrar as procesións. Desde a entidade lémbrase a repercusión económica que este evento, declarado de interese turístico internacional, ten nos negocios e solicitan o seu apoio para apoiar o esforzo das confrarías e irmandades.
Para evitar problemas, a Xunta procede en primeiro lugar enviando unha carta aos establecementos nas que lles informa do nome e o número de DNI da persoa que acudirá, debidamente acreditado, para pedir a colaboración. Aqueles negocios que fagan algunha achega recibirán un adhesivo de “establecemento colaborador”.
Aqueles empresarios que desexen colaborar e non reciban a citada carta poden poñerse en contacto coa Xunta de Confrarías a través do mail semanasantadeferrol@gmail.com.
As redes sociais da Xunta de Confrarías irán publicando o nome dos establecementos colaboradores -en ningún caso a cantidade achegada-.
