A Xunta Xeral de Confrarías e Irmandades de Ferrol acordou as datas dos actos máis importantes nos preliminares da celebración da Semana Santa 2025, que terá lugar do 13 ao 20 de abril. Ofreceranse máis adiante os detalles de localización e horario que aínda non se inclúan nesta información.
Presentación do cartel, que nesta ocasión estará protagonizado pola Irmandade do Santo Enterro: 17 de xaneiro ás 19.00h.
Vía Crucis: 21 de marzo, a partir das 20.00h, presidido pola imaxe do Nazareno da Confraría das Angustias.
Presentación da revista Ecce Homo e o procesionario: venres 28 de marzo, ás 19.00h.
Lectura do pregón: sábado 5 de abril ás 20.00h.
Na mesma reunión na que se fixaron estes eventos, acordouse que a celebración da Luz de Belén será o 20 de decembro, ás 20.00h na igrexa do Socorro. Trátase dun acto organizado desde hai dous anos pola Delegación Episcopal de Confrarías da Diocese de Mondonedo-Ferrol, na que se comparte a chama traída desde Belén, simbolizando o desexo de paz.
