A Irmandade do Santo Enterro celebrará este sábado, 5 de outubro, a función solemne en honra de María Santísima do Rosario. A celebración será na concatedral de San Xiao ás 19.00 horas e oficiará o párroco Antonio Rodríguez Basanta, director espiritual da confraría.
A irmandade decidiu, nun cabido celebrado en decembro do ano 2012, declarar á Virxe do Rosario a súa patroa e máis adiante fíxoa o seu titular. A decisión respondía á vontade da confraría de fomentar o culto público e privado a través da ampliación dos seus cultos a unha advocación mariana. A imaxe do Rosario que está na igrexa de San Xiao é obra do escultor compostelán José Rivas.
