A Confraría das Angustias ten todo preparado para celebrar este próximo domingo, día 12 de xuño, a Coroación Canónica da súa Virxe titular. Como marcan os estatutos da irmandade, desde o pasado día 3 está a celebrarse a Novena á Virxe das Angustias, que terminará no día da súa festividade, o domingo anterior ao Corpus.
Ademais, o Grupo Novo da irmandade organizou unha veneración á Virxe, que terá lugar o venres e o sábado, as dúas xornadas anteriores á coroación. O venres será de 17 a 21.00h e ás seis celebrarase unha charla entre os mozos dirixida polo Pai claretiano Alberto Abelenda. Ao día seguinte, o sábado, a veneración será de 10.00 a 13.30h e ás 12.00h celebrarase a eucaristía e a homilía do pai claretiano Arturo. Pola tarde continuará a veneración, de 17.00 a 21.00h.
A continuación lembramos o horario dos actos:
Do luns 6 ao venres 10:
09.00 Misa e novena
11.30h. Rosario
12.00h. Misa e novena.
Ás 18.00h do venres día 10: Homilía do Pai Claretiano Alberto.
Sábado 11:
09.00 Misa e novena
11.30h. Rosario
12.00h. Misa e Novena. Homilía do Pai Claretiano Arturo.
Domingo 12:
09.00h. Misa rezada (única misa do día)
11.00h. Procesión do traslado da Virxe das Angustias á Concatedral de San Xiao.
12.00h. Misa solemne en San Xiao coa Coroación da Virxe das Angustias
13.00h. Procesión da Virxe Coroada das Angustias.
14.00h Acto no interior do Santuario.
