A Confraría da Mercé inaugura xa este venres, día 1 de decembro, o seu Belén. Un ano máis, estará no baixo do número 42 da rúa Dolores e a montaxe estrearase coa actuación do Coro Mosaico, formado por nenos e nenas do colexio Tirso de Molina. O acto será ás 18.00 horas e durante o mesmo servirase chocolate quente a 1€, con destino á bolsa de caridade da irmandade.
Tal e como se tiña anunciado, a partir da inauguración do Belén, a Confraría da Mercé traslada ao baixo da rúa Dolores o seu “Escaparate Solidario”, que ata o día anterior seguirá recollendo doazóns de alimentos non perecedoiros na Casa do Fumador. A recollida prolongarase ata o 22 de decembro.
O Belén abrirá ao público de luns a domingo, en horario de 17.30 a 20.30h, salvo os días 24 e 25 de decembro, así como o 5 de xaneiro, datas nas que se anunciará un horario especial.
