A Confraría das Angustias programa o seu concerto de Nadal para o 10 de decembro.

A Confraría das Angustias programou para o 10 de decembro o seu tradicional concerto de Nadal. Trátase dun evento benéfico que a irmandade celebra cada ano, e que de feito se conta entre as actividades previstas nos seus estatutos.

O concerto servirá para recoller donativos con destino á Cociña Económica de Ferrol. Contará coas actuacións da Rondalla Añoranzas e o coro Dicindo Cantares, formación creada no seo do club socio-cultural da Armada El Montón. Ambas as dúas formacións interpretarán diferentes panxoliñas e cancións relacionadas coa temática do Nadal.

A cita será ás 20.00 horas no santuario das Angustias.