A Comunidade Mercedaria e a Confraría da Nosa Nai da Mercé e do Santísimo Cristo Redentor de Ferrol convidan a participar nos cultos que se celebrarán na honra da Nosa Nai da Mercé durante o mes de setembro.
O Solemne Triduo dará comezo o domingo 21 de setembro coa celebración eucarística ás 11:00 horas, seguida da tradicional procesión polas rúas do barrio.
Continuará os días luns 22 e martes 23 de setembro coa Santa Misa ás 19:00 horas.
O triduo culminará o mércores 24 de setembro coa Solemne Función na honra da Nosa Nai da Mercé, que terá lugar ás 19:00 horas e será presidida polo Excmo. e Rvdmo. Sr. D. Fernando García Cadiñanos, Bispo da Diocese de Mondoñedo-Ferrol.
Durante as celebracións do triduo predicará a Comunidade Mercedaria da cidade de Ferrol.
