A Confraría de Dolores lembra que segue en marcha a campaña de recadación de fondos para custear a rehabilitación do manto da Virxe de Dolores. A irmandade informa de que se reuniron xa preto de 5.000€ e expresa o seu agradecemento a quen fixo efectiva xa a súa colaboración, tanto particulares como confrades, familias, empresas e entidades.
A cofraría indica que as doazóns poden seguir realizándose a través das seguintes vías:
Presencialmente, na Casa de Irmandade, durante o horario de apertura da oficina: (martes e xoves, de 18:30 a 20:00 h).
Na Igrexa de Dolores, a través dos confrades voluntarios, durante a apertura do templo.
Mediante transferencia bancaria, na conta: IBAN: ES58 2080 0200 4630 4012 0033
A Confraría entrega a cada persoa ou entidade que colabora un documento expresando o seu agradecemento.
