O santuario das Angustias acollerá a celebración da Candeloria o vindeiro día 2

As tres confrarías irmandadas de Ferrol, Angustias, Mercé e Soidade, celebrarán conxuntamente un ano máis a festividade da Candeloria. Será o próximo 2 de febreiro, ás 20.00h, no santuario de Esteiro.

Desde a Confraría das Angustias, a organizadora este ano, lémbrase aos confrades que deben acudir coa medalla da súa confraría. A celebración conmemora a presentación de Xesús no templo e simboliza a Súa presenza como luz no mundo. É tradición que nesta ocasión os pais e nais que teñen fillos bautizados ao longo do último ano acudan a presentalos.

Ao comezo da celebración realizarase a bendición das candeas.