O presidente da Xunta de Confrarías e Irmandades da Semana Santa de Ferrol, Fernando Iguacel Sele, acudiu a Pontevedra para recoller un dos galardóns dos XII Premios Cogave, que entrega cada ano a Confederación Galega de Asociacións Veciñais Rosalía de Castro. A entidade agrupa a federacións de toda Galicia e cada unha delas decide dous recoñecementos. No caso de Ferrol, a Federación de Asociacións de Veciños Roi Xordo, que agrupa a entidades da zona urbana de Ferrol, decidiu este ano recoñecer á Semana Santa e aos Bombeiros.
O acto de entrega dos premios tivo lugar na Finca Batacos, na parroquia pontevedresa de Salcedo, ás doce do mediodía. A continuación tivo lugar unha comida de confraternización.
Na súa breve intervención cando recolleu o premio, Fernando Iguacel agradeceu o recoñecemento en nome de todas as irmandades de Ferrol e da propia Xunta de Confrarías. Por parte do Concello de Ferrol estiveron presentes os concelleiros Pamen Pieltain y José Tomé.
