![\"\"](\"https:\/\/semanasantaferrol.com\/wp-content\/uploads\/2021\/05\/fotomuseo-1024x768-1.jpg\")
<\/p>
\n<\/p>
\n
O Museo da Semana Santa de Ferrol, que inaugurou a Xunta Xeral de Confrar\u00edas e Irmandades o 1 de decembro de 2018, cumpre tres anos cunha suma de 9.420 visitantes en total, malia os case tres meses que permaneceu pechado o pasado ano pola pandemia e os m\u00e1is de sete que tampouco abriu no 2021 polas obras de reparaci\u00f3n acometidas polo Concello nos baixos da Costa de Mella. O presidente da Xunta de Confrar\u00edas, C\u00e9sar Carre\u00f1o, valorou o interese que esperta o museo entre a xente de Ferrol e os turistas e destacou que \u201c\u00e9 unha forma m\u00e1is de co\u00f1ecer mellor a nosa Semana Santa e de mantela viva durante todo o ano\u201d.<\/p> \n
Nestes tres anos de vida, o de m\u00e1is afluencia foi o primeiro -entre decembro de 2018 e decembro de 2019 visitaron a exposici\u00f3n m\u00e1is de 8.000 persoas-. O 2020 comezou cun bo ritmo de visitas \u2013sumaron 858 ata a chegada do confinamento-; logo pechou do 13 de marzo ao 21 de xu\u00f1o e seguiu nos meses seguintes, coas medidas de seguridade sanitarias precisas, recibindo arredor de 46 visitantes ao mes. Os problemas de humidade que exist\u00edan no local cedido polo Concello de Ferrol levaron a manter de novo pechado ao p\u00fablico o museo entre xaneiro deste ano e o pasado 11 de agosto, cando reabriu tras as obras de reparaci\u00f3n. Desde mediados de agosto ata aqu\u00ed, 210 persoas pasaron pola exposici\u00f3n.<\/p> \n
Entre os lugares de orixe das persoas que visitaron nestes \u00faltimos meses o Museo da Semana Santa de Ferrol est\u00e1n Madrid, Sevilla, Le\u00f3n, Valladolid, Cartagena, Zamora, Bilbao, C\u00e1diz, Santander e Ibiza, entre outros, as\u00ed como de pa\u00edses como Inglaterra, Austria, Pa\u00edses Baixos ou Italia.<\/p> \n
Os fondos da exposici\u00f3n est\u00e1n formados por pezas e enseres aportados polas diferentes confrar\u00edas da Semana Santa Ferrol\u00e1, entre eles algunhas imaxes como o Cristo da Boa Morte da Soidade ou o Xacente de Dolores. H\u00e1bitos, actas antigas das irmandades, partituras da m\u00fasica que acompa\u00f1a as procesi\u00f3ns, camp\u00e1s, martelos, estandartes e un largo etc\u00e9tera de obxectos compo\u00f1en a mostra, que ten nun lugar destacado o Cristo da Tafona, un dos cruceiros m\u00e1is antigos de Galicia, propiedade do Concello de Ferrol.<\/p> \n \n
O Museo da Semana Santa abre habitualmente de martes a domingo, entre as 11.30 e as 13.30 horas. Por\u00e9n, nos festivos m\u00e1is pr\u00f3ximos vai abrir todos os d\u00edas, do s\u00e1bado 4 ao m\u00e9rcores 8 de decembro. Durante as vacaci\u00f3ns de Nadal manter\u00e1 o seu horario habitual salvo os d\u00edas 24, 25 e 31 de decembro, e 1 e 6 de xaneiro, que permanecer\u00e1 pechado. Abrir\u00e1, a maiores, os luns 27 de decembro e 3 de xaneiro.<\/p> \n \n